A parte coalche raro caso, che anca nela nostra basa veronese el g’ha demostrà de tegnerghe ala identità veneta e ale tradizion (vedi sindaco e assessori de Cerea co l’organizazion del capodano veneto e calche amico de Legnago), Alleanza Nazionale (che no la esiste pì) la se dimostra par l’enesima olta uno dei pesè grandi nemici dei veneti.
Coela che gh’è sta fata a porta nova, nel bel mezo de la funzion par ricordar le Pasque Veronesi (insurezion de Verona contro i ocupanti Francesi de Napoleone), l’è na vera e propia agresion e ofesa a milioni de veneti che gh’è morti o emigrà par la libertà e par la vita.
L’è tradizion che l’unica bandiera che g’ha da sventolar in che’l momento l’è el nostro gonfalon decorà co le medaje e mandà diretamente dal Comune de Verona.
No pol sventolar nel steso momento altre bandiere che le sia simbolo de represion nei confronti dei veneti.
E adeso sti personagi i vol adiritura denunciar el comitato par le Pasque Veronesi par vilipendio…SCANDALOSO
Ricordemose ben i nomi de sti traditori: Ciro Maschio, Elena Traverso, Antonio Lella, Lucia Cametti (mamma mia!!!!), Vittorio Di Dio e Marco Padovani.
Ma la vita l’è na rua che gira… e la sta girando in presia…
Aggressione Alleanza Nazionale Pasque Veronesi
