Quesito 1 : Premio di maggioranza alla lista più votata alla camera
Quesito 2 : Premio di maggioranza alla lista più votata al senato
Quesito 3 : Abolizione candidature multiple
Sto referendum el punta a far si che ghe sia solo 2 grandi partiti.
El primo e el secondo quesito, se i pasa, i permetarà ala lista (partito) che g’ha un voto in pì de tuti chei altri de averghe la magioranza asoluta dei segi in parlamento.
Che tradoto in parole semplici vol dir che, co la situazion politica atuale, da chi a l’eternità, el Popolo della Libertà de Berlusconi el se cataria a governar da solo, senza aleati.
E i partiti pesè picoli e teritoriali che vol sopravivere i saria costreti a nar drento a uno de sti do mega partiti.
Nel sito dei referendari Segni e Guzzetta i scrive :
Se vincono i Sì, scompariranno le coalizioni di partiti e si eviterà che questi si uniscano il giorno delle elezioni e si dividano subito dopo imponendo veti, mediazioni e verifiche continue a maggioranza e governo.
Bale gigantesche parchè na olta vinte le elezion in t’el partito de magioranza (ma anca de oposizion) se farà dele corenti a causa dela diversità dele componenti che g’ha dovesto metarse insieme prima dele elezion.
Se contemo che zà adeso i partiti pi grosi, PDL e PD, i g’ha na infinità de corenti al so interno, figuremose sa podaria sucedar in sto caso.
El terzo quesito el saria quelo pi acetabile ma anca solo nar votar par sto chi o votar scheda bianca o nulla vol dir partecipar al quorum.
No tuti i sa che el referendum, par esar valido, el g’ha da rivar a on quorum del 50%+1 de votanti su el totale de coei che i g’ha dirito.
Propio par sti motivi chi l’è asolutamente importante far na roba : stare a casa.
Par chi inveze va a votar par i balotagi chi soto ve meto in alegato come fare par no esar costreti a votar anca par el referendum.
